Tiny Meese gekoze es liestrèkker.

PVM persbericht 02-11-2017

Mestreech 02-11-2017

Tiny Meese gekoze es liestrèkker.
Verkezingsprogram Partij Veileg Mestreech: veileg, sociaal en chauvinistisch

nederlandse-vlag2.jpeg

Partij Veileg Mestreech heet op häör leie-vergadering mevrouw Tiny Meese gekoze es liestrèkker en ’t verkezingsprogram vasgestèld. Partij Veileg Mestreech (PVM) is ’n rechse partij mèt ’n hiel groet sociaal hart. Miejer veilegheid, aonpak vaan de radicalisering, ’n gooj integratie en liege laste höbbe veur PVM d’n hoegsten aondach. Werk, zörg, volkscultuur en ermooj-beleid zien oonderwerpe boe PVM ziech sterk veur maak. PVM riech ziech op Mestreech. ’t Welbevinde, ’t ziech good veule in eus eige sjoen stad vaan eus inwoeners, eus tradities, norme en wierde, de zörg veur eus seniore, kraanke lui en jäög zien hei-bij zier importante speerpunte.

De ierste 10 kandidaote op de lies zien:
1. Tiny Meese 2. Alex Meij 3. Jo Smeets 4. Bert Garnier 5. Wiel Hameleers 6. Theo Ramakers 7. Peter Hardy 8. Math Haaken 9. Paul Berben 10. Jean Meertens.

’n VEILEG Mestreech

Miejer wiek-pelitie en touwziechhawwers ziechbaar in de wieke vaan eus stad.
Helle aonpak vaan de radicalisering. Streng, consequent meh rechvierdeg! Verbeeje vaan bejeinkomste en vereiniginge/stiechtinge die ziech hei-mèt bezeg hawwe, betrokkene juridisch vervolge.
’n Program vaan acties um de kans op radicalisering te minimalisere.
Helle en geriechte aonpak vaan drugsrunners.
‘ne Riechtege aonpak um de veilegheid vaan börgers in de breidste zin vaan ’t woord te verhuge.

’n SOCIAAL en GEÏNTEGREERD Mestreech

Aonpak vaan de greujende ermooj.
Zörg touwgaankelek, liegdrempeleg en betaolbaar hawwe.
Mantelzörgers miejer oondersteune.
Fraude hel aonpakke.
60-plussers in de bijstand hove neet te sollicitere. In ruil hei-veur moot m’n ziech inzètte veur eus maotsjappij.
Integratie is erg vernaom, daorum begeleiing achter de väördeur.
’t Liere vaan de Nederlandse taol is verpliech.

’n CHAUVINISTISCH Mestreech

Behaajd vaan eus erfgood.
Campagne um eus Mestreechse tradities en de Mestreechter taol te stimulere.
Stedelek museum boe de historie vaan eus stad en häör lui te zien is.
Zaol en rippetitieruimtes veur amateurcultuur en stedeleke vastelaovendsactiviteite.
Investere in ’t Mestreechse vereinigingsleve: hermenieje, koere, sportclubs en amateurtoneel.
De vlam vaan Minckeleers moot weer branne.

Tiny Meese gekoze es liestrèkker.

Share dit nieuwsitem


Gesprek laden